Para este tempo propoño este libro, que recomendou a psiquiatra Marian Rojas Estaré, autor Viktor Frankl, Un home en busca de sentido.
Trata do porqué uns homes morrían nos campos de concentración nazis e outros non, trata de que ter esperanza, algo inacabado, ter un futuro axuda a vivir, xera esperanza real.
No inferno que eran os campos de exterminio, nese inferno sempre se pode atopar, humanidade, había soldados que non participaban do exterminio, tampouco o evitaban, enténdese.
“Xa non espero nada da vida”. Hai algún argumento contra esas palabras?, Nietzsche, “Quen ten un porqué para vivir, pode soportar, calquera como”. Finalizada a guerra, tres presos xudeus esconderon a un comandante alemán, protexérono, presentárono ante os americanos como un salvador e o oficial alemán quedou libre de toda culpa.
Até no inferno podemos atopar un anxo.
Viktor Emil Frankl (Viena, Austria; 26 de marzo de 1905-2 de setembro de 1997), coñecido como Viktor Frankl, foi un neurólogo, psiquiatra e filósofo austríaco, fundador da logoterapia e da análise existencial. Sobreviviu desde 1942 até 1945 en varios campos de concentración nazis, incluídos Auschwitz e Dachau. A partir desa experiencia, escribiu o libro líder de vendas O home en busca de sentido.
