O Concello de Dodro, a través da Concellería de Patrimonio e Cultura, converteu en realidade a obra Patrimonio etnográfico do Concello de Dodro. Hórreos, cruceiros, pombais e reloxos de sol, de Beatriz Pereiras Magariños.
Os tesouros históricos e populares do concello de Dodro ben merecen esta publicación e tamén o traballo feito por Beatriz Pereiras Magariños dende o ano 2009 ata o 2011, que conseguiu catalogar todos os elementos etnográficos máis sobranceiros e significativos do termo municipal: hórreos, cruceiros, pombais e reloxos de sol. Todo este traballo estaba gardado na Casa da Cultura e agora, grazas ao labor de recuperación impulsada dende Patrimonio e Cultura (coa axuda da Deputación da Coruña) o que se pretende e darlle visibilidade a través da publicación deste libriño baseado na presentación do traballo que se fixera na Casa do Regadío.
