Os socialistas de Ribeira, a través do concelleiro-voceiro José Manuel Vilas, presentou ao pleno da Corporación un rogo relativo ao alumeado público na parroquia de Aguiño. Segundo advertiu o PSOE nun comunicado, “o rueiro situado entre a rúa da Forcadiña e a rúa Luis Pimentel, camiño veciñal asfaltado, e dotado de varios servizos, carece de alumeado público”. Os socialistas tamén informan de que nesta contorna só hai unha luminaria achegando luz ao rueiro, que pertence amais a unha propiedade privada, “dando claridade no que é, nesta zona, unha escuridade absoluta nas horas nocturnas”.
Por todo o devandito, os socialistas piden o seguinte.:
1.- Que por parte de quen corresponda sexa estudada a posibilidade de dotar de alumeado público no entorno do rueiro mencionado (Listres de Arriba) Aguiño.
2.- Que se avalíe tamén a dotación dun punto de luz (dobre) na confluencia da rúa Dourixeira coa rúa Luis Pimentel, no 12.
3.- Que se estude a dotación dun punto de luz (parede) na rúa Andrés Torres Queiruga, a altura do edificio no 9.
