Os efectivos do GES de Noia, xunto cun membro da Agrupación de Voluntarios de Protección Civil, acudiron esta tarde ao paseo marítimo da localidade para rescatar a un neno ao que lle quedou unha perna atrapada nunha randeeira.
Así, os servizos de emerxencia desprazados liberaron a perna do menor, que non necesitou asistencia médica.
O 112 Galicia tivo coñecemento da situación do neno ao fío das seis da tarde, a través dos efectivos do GES de Noia.
A partir de aí, desde o CIAE 112 Galicia pasouse o aviso á Policía Local, á Garda Civil e aos Bombeiros de Boiro.
