Pouco antes das seis desta tarde foi atopado morto no seu domicilio da rúa ribeirense de Santa Uxía un veciño de 64 anos de idade cuxas iniciais eran J. A. M. G.
Unha patrulla da Policía Local autorizou a que se forzase a porta de entrada da vivenda logo de que a súa familia (irmán, fillo e exmuller) indicase non saber nada del dende fai varios días.
A Policía Local deu aviso ao Corpo Nacional de Policía para que requirise á súa vez a presenza do forense e a autoridade xudicial para o levantamento do cadáver.
