O Concello de Porto do Son deu continuidade estes días aos traballos de limpeza e baldeo que desenvolve regularmente en todas as parroquias do termo municipal.
Entre as contornas urbanas nas que veñen de actuar os efectivos locais de Protección Civil atópase a rúa de Compostela en Portosín, que foi baldeada e limpada en superficie e tamén nos seus sumidoiros.
Outra contorna que foi obxecto de traballo foi a da Escola Infantil de Porto do Son, onde tamén se atopa a Ludoteca. Os labores foron levados a cabo novamente polo grupo de Protección Civil.
