A conselleira de Política Social, a ribeirense Fabiola García, visitou este 18 de xaneiro o seu concello o obradoiro aberto pola gañadora do programa Xuventude Crea 2020 na categoría Deseño de xoias, Sofía Rivas.
A creadora de Ribeira gañou un dos premios dito certame grazas a unha serie de obras chamada Xénese.
No seu obradoiro a conselleira salientou as axudas da Xunta a prol dos novos artistas, axudándolles a impulsar os seus propios proxectos. García sinalou que “é un orgullo ver como os proxectos da xuventude galega saen adiante e como os seus soños se converten en realidades”.
García lembrou que o pasado mes de maio, a Xunta puxo en marcha unha exposición itinerante onde se recollen as creacións que realizaron algúns dos 4.000 participantes ao longo das 12 edicións do programa. No ámbito musical tamén se impulsa as creacións da mocidade a través do Atardecer no Gaiás. Así mesmo, engadiu, “estamos avanzando na creación dun museo dixital no que dar difusión ás obras destes artistas e abrirlle portas a museos, teatros ou editoriais”.
