O Concello de Boiro, a través da área de Cultura, impulsou este Nadal unha campaña solidaria de recollida de alimentos para entregar ás familias necesitadas do municipio. Segundo o balance achegado polo Goberno local, recolléronse en total durante a campaña preto de 500 quilos de alimentos, que se van repartir agora a través do departamento de Servizos Sociais e Cáritas ás familias que o precisan.
Ao abeiro desta campaña de Nadal, todos os centros sociais municipais e todas as actividades que se celebraron acolleron puntos de recollida de alimentos non perecedoiros para que todas aquelas persoas que quixesen colaborar puidesen facelo. A concelleira de Cultura, María Outeiral, estivo na entrega dos alimentos recollidos, que se levaron a Cáritas, onde os voluntarios do grupo Turbina axudaron a clasificar e preparar os paquetes para entregar ás familias.
