O Goberno municipal da Pobra do Caramiñal entregou este 20 de decembro os aguinaldos do Nadal das persoas que exercen o voluntariado na localidade, ben sexa a través da Protección Civil coma da campaña Agora é o momento!, que se estrutura nos ámbitos social, medioambiental, cultural e de benestar animal.
Foron así repartidos un total de 40 lotes de produtos típicos destas datas.
O alcalde, Xosé Lois Piñeiro (Nós Pobra), e o concelleiro do Voluntariado, José Andrés Lojo (Nós Pobra), quixeron trasladar así o agradecemento do Concello polo compromiso e o labor altruísta de todas estas persoas que invisten parte do seu tempo en axuda-la veciñanza e beneficiar o conxunto da sociedade.
