20190924. O actor Ricardo de Barreiro ofrecerá o sábado 28, ás 20.30 horas, unha proposta artística que, baixo o título A+A, integra a presentación dun audio-caderno e unha performance.
Organizada pola Concellería de Cultura de Ribeira, a actividade desenvolverase no Centro Cultural Lustres Rivas e está destinada a adultos, dispoñendo dun aforo máximo de 50 persoas segundo a orde de chegada. Así, Ricardo de Barreiro afronta esta cita na que explica por que e como se fixo este audio-caderno de artista, rematando cunha lectura dos poemas de A+A.
Ademais, quen o desexe poderá adquirir este poemario, o cal leva varias edicións.
