Ao abeiro da programación da campaña De Fronte á violencia de xénero que impulsa a Área de Igualdade da Deputación da Coruña co gallo do 25N (Día Internacional da Eliminación da Violencia contra a Muller), organízase para o xoves 11 de novembro ás 19:00 h no Auditorio de Rianxo unha charla sobre a devandita lacra social e os diferentes mecanismos e recursos que se poden poñer en xogo para combatela e erradicala, colectivos, institucionais e individuais.
Na charla porase o foco na incidencia desta lacra social entre as mulleres maiores. Para asistir compre inscribirse previamente no enderezo info@defronte.gal.
