Parece incrible. Nos últimos 50 anos morreron máis mulleres por cuestións do seu sexo que homes en todas as batallas do século XX. 40 millóns de nenas e mulleres so abusadas e violadas cada ano no mundo. Que nos está pasando?.
As mulleres, en pleno século XXI, aínda teñen que demostrar a súa valía, mentres que aos homes presupónselles. Máis mulleres morren a mans das súas parellas ou os seus maridos, a pesar de presentar denuncias por malos tratos ou violencia machista.
Certo é que a sociedade avanza e evoluciona moi lentamente pero hai cuestións que deberían atallarse de raíz. A violencia de xénero é unha delas e todos somos responsables.
As diferentes administracións públicas non se cansan de suxerir ás mulleres que non deixen de denunciar por medo e que pensen que a xustiza estará do seu parte. O problema é que, moitas mulleres, seguen vivindo con medo, desprotexidas pola propia familia e as súas máis achegados, mentres os seus verdugos seguen facendo vida normal e presumindo dos seus actos violentos.
Achégase a conmemoración do Día Internacional de Loita contra a violencia da muller, o 25 de novembro, por iso
temos que ser conscientes de que a violencia contra as mulleres é un obstáculo para a igualdade, o desenvolvemento, o feminismo e a paz dos pobos impedindo que estas gocen dos seus dereitos básicos e liberdades fundamentais.
