A praza de España de Porto do Son (e en caso de chuvia, a Casa da Cultura, situada no número 11 da rúa Atalaia) vai dar acollida este sábado 2 de outubro a unha das actividades itinerantes do ciclo de xornadas e actuacións musicais do proxecto de divulgación Interritmos. Neste caso concreto, será un festival de música en toda regra, que dará comezo ás 19.00 horas coa actuación do grupo Paraíso Canto, gañador do certame Interritmos Sons do Rural, .
A continuación, entre as 19.45 e as 20.30 horas, celebrarase a xornada Herdanzas e sons: cociña da festa, a cargo de Montse Rivera.
Máis tarde, a partir das 20.45, está prevista unha nova actuación musical: a do grupo Trébede, outra das bandas gañadoras do certame Sons do rural.
Este concurso ven da man dos seguintes grupos de desenvolvemento rural: a Asociación de Desenvolvemento Local Deloa, Ribeira Sacra Courel e Salnés Ulla Umia. Máis información destas e doutras xornadas, na web do proxecto.
