O Grupo Municipal Socialista solicitará por escrito no Pleno, que se celebra este Xoves 30 de Setembro, que se recuperen os cursos de natación na piscina municipal.
O Grupo Municipal do PSOE de Noia considera que ca incidencia actual da Covid-19 na vila de Noia, como no conxunto da comarca, é o momento axeitado para recuperar os cursos de natación para adultos e cativos na piscina municipal.
Roberto Iglesias indicou que ” é unha actividade pola que están agardando moitos usuarios da piscina, así como numerosas familias que viron como a pandemia frenou a progresión dos menores que asistían aos diversos cursos de iniciación e perfeccionamento. Neste momento, sempre que se cumpran as medidas de seguridade, é algo que se pode retomar aínda que sexa con quendas con menos aforo do habitual, como están a facer noutros Concellos.”
Os socialistas consideran que a natación é unha actividade moi beneficiosa para a saúde e, como se está a facer no ámbito privado, dende a administración local débese ir recuperando progresivamente a normalidade na piscina, como así se está a facer noutras áreas.
Agardan que ao largo do mes de Outubro xa se podan ofertar os cursos logo de que se tomen as medidas necesarias que dende o goberno municipal, e os responsables da piscina municipal, consideren necesarias.
Noia acolle este sábado o II Encontro Cultural de bandas en homenaxe a Miguel Fernández Pestonit
Esta fin de semana celébrase o II Encontro Cultural no Coliseo Noela de Noia. Será este sábado 4 de maio as 20:00 h. Esta quedada de bandas irá adicada nesta convocatoria a render homenaxe a Miguel Fernández Pestonit, un dos fundadores da Banda de Música Noia....