A actriz, escritora e contadora Raquel Queizás estará este 24 de setembro na Casa da Cultura de Boiro para achegar un novo espectáculo de contacontos para a rapazada: o espectáculo Travesías. Comezará ás 20.00 horas e terá capacidade limitada (cómpre reservar entradas na web municipal dende dous días antes da función).
Travesías é unha proposta para público familiar (con nenas e nenos de máis de tres anos) con obxectos e monicreques que nos convida a “unha viaxe cheas de aventuras nas que coñeceremos a nenas e mulleres bravas que loitaron contra os prexuízos para conseguir os seus soños”. Nos diferentes relatos que inclúe o espectáculo, a autora porá o foco nos valores de igualdade, de respecto e convivencia entre nenas e nenos e entre mulleres e homes.
