O TROFEO CONCELLO DE OUTES TERÁ LUGAR ESTA FIN DE SEMANA. CIDADE DE RIBEIRA, ABANQUEIRO, OUTES E CORDEIRO DARANSE CITA NO CONCHIDO
Pedro Pérez.- Esta fin de semana voltará o fútbol modesto á comarca do Barbanza, co Trofeo Concello de Outes. A cita terá lugar esta fin de semana no Campo do Conchido e daranse cita o Cidade de Ribeira da Primeira Autonómica, Cordeiro, da mesma categoría, Abanqueiro da Segunda Autonómica e o equipo anfitrión, o Outes da Segunda Galega tamén.
O torneo arrancará o sábado coas dúas semifinais, a primeira será a disputada polo Cordeiro e o Cidade de Ribeira a partir das 18 horas, mentres que a segunda será ás 20 horas entre o Outes e o Abanqueiro. A gran final está marcada para o domingo ás 19 horas, na cal se decidirá quen se alzará co Trofeo Concello de Outes. Este torneo amigable servirá para que os catros equipos se sigan preparando de cara ao inicio da competición, que no caso da primeira galega será o 10 de outubro. O Cidade de Ribeira xa disputou un amistoso fronte ao Noia B que se saldou cun triunfo dos ribeirenses por 3-0. Espérase unha gran entrada como motivo deste tradicional trofeo nunha vila na que o fútbol modesto segue moi presente.
