Do 10 ao 17 de setembro de 2021 coincidindo coas datas nas que se deberían celebrar as Festas da Guadalupe de Rianxo, e tendo en conta a programación cultural que hai prevista, estableceremos un dispositivo especial xunto coa Garda Civil de Rianxo, reforzando as patrullas en todas as quendas de servizo, e facendo especial incidencia na vixilancia e control da normativa sanitaria ante a covid19, da seguridade cidadá e da seguridade viaria:
Uso obrigatorio da máscara: excepto no exterior sempre que se garde a distancia mínima de seguridade de 1,5 metros entre persoas non conviventes.
Botellón: está totalmente prohibido o consumo de alcohol na vía pública.
Reunión de persoas:
– Máximo 6 persoas en interior e 10 no exterior, excepto convivintes.
– De 03.00 a 06.00 horas están prohibidas as reunións de persoas non convivintes.
– De 00.00 a 06.00 horas está prohibida a permanencia de persoas en todos os parques, xardíns e praias.
Ocupacións de vía pública non autorizadas: colocación de mobiliario e calquera tipo de posto.
Establecementos hostaleiros: permitido un aforo no interior do 75% e en terraza do 100%. Peche obrigatorio a 01.00 horas.
Controis de alcohol, drogas e velocidade entre os condutores de vehículos.
