A propietaria dun Volkswagen Touran de cor granate compareceu nas dependencias da Policía Local de Ribeira despois de darse á fuga tras verse implicada nun accidente de tráfico na Avenida Francisco Lorenzo Mariño, en Aguiño, indicando que creu que só tiña danos o seu vehículo.
O coche que conducía, da marca Volkswagen e de cor granate saíuse onte da vía levándose por diante un poste do tendido eléctrico.
O sinistro produciuse na rúa Francisco Lorenzo Mariño ao redor das 15.50 horas e debido ao forte impacto o poste foi arrincado de raíz e quedou tendido sobre a beirarrúa. Coa descrición facilitada trátase de localizar ao causante do accidente que causou cuantiosos danos materiais.
O vehículo causante dos danos deixara varias pezas no sitio, como a parte dereita da defensa dianteira, a insignia e outros elementos que axudarían á súa identificación e localización. Unha testemuña presenciou como o coche emprendeu a fuxida, pero non puido precisar a dirección que tomou. A dona da casa situada xunto o poste dixo que escoitou un forte estrondo e que cando saíu á rúa xa non estaba o vehículo causante das desfeitas. Tamén indicou que a fachada da súa vivenda sufriu danos.
