Este luns 23 de agoto o obradoiro de emprego O Pote II ten programado coa empresa Congalsa a celebración, por segundo ano consecutivo, dunha Masterclass na Escola Municipal de Hosteleria sita no 2º andar do Mercado Municipal de Ribeira.
A Masterclass, que terá lugar de 11.30 a 13.30 horas, será impartida na escola taller polo persoal de I+D+I e Marketing da empresa de produtos precociñados do mar Congalsa S.L., na que os cociñeiros de dita entidade amosarán ao alumnado cómo se debe realizar correctamente o proceso de cociñado e empratado de productos.
A marca escollida para realizar a exhibición culinaria é Ibercook Food Service, unha das máis emblemáticas da compañía e os productos serán:
- Mini rollitos de primavera
- Burger de Apo
- Boquerón enharinado / tempura
- Bocata de calamares / chipirones
A actividade pretende dar resposta á necesidade de conectar a formación co mundo laboral e enmarcase dentro do certificado de profesionalidade de Operacións Básicas de Cociña (HOTR0108).
Competencias profesionais
Cómpre lembrar tamén que o pasado venres O Pote II qcoleu un Taller de competencias profesionais para a fixación de obxectivos, impartido polo docente Rafael Vázquez, economista da Fundación Ronsel. O alumnado – traballador adquiriu técnicas e ferramentas orientadas a conseguir obxectivos e metas profesionais, especialmente para cando rematen a súa formación e comecen a súa andaina no mundo laboral.
O Programa de Emprego “O POTE II”, comezou o pasado 15/11/2020 e rematará o vindeiro 14/11/2021. O POTE II é un programa mixto de emprego e formación que ten por finalidade mellorar a ocupabilidade das persoas participantes, neste caso, 15 moz@s incluídas no ficheiro do sistema nacional de Garantía Xuvenil, promovido polo
Concello de Ribeira, subvencionado pola Consellería de Economía, Emprego e Industria e cofinanciado pola Iniciativa de emprego xuvenil e o Fondo Social Europeo para o período 2014-2020.
