A Asociación de Empresarios de Ribeira impulsou na localidade a posta en marcha dunha comisión de seguimento que se reunirá con periodicidade semanal para tentar paliar os problemas que por cumprimento ou incumprimento das medidas anti-COVID están a producirse no concello.
O equipo de traballo estará composto polo gremio local de hostalería representado na persoa de Carmen Acevedo Seráns (vogal da asociación), polo gremio de restauración Lola Guirado (vicepresidenta da asociación), polo concello e o alcalde de Ribeira, Manuel Ruiz Rivas, e polo presidente da Asociación de Empresarios de Ribeira, Francisco Martínez Gude.
