O programa de dinamización lectora e cultural Ler Conta Moito, da Rede de Bibliotecas Públicas de Galicia, ten este luns 16 de agosto un dos seus puntos culminantes.
Será unha xornada completa de actividades, cun obradoiro de ilustración ao mediodía, a cargo de Santy Gutiérrez (ás 12.00 horas na BMP Xerardo Díaz Fernández de Porto do Son) e, xa pola tarde, cun espectáculo de narración oral a cargo de Caxoto Contacontos (o espectáculo Coas mans na masa, ao abeiro do ciclo Contos en Igualdade, ás 17.00 horas na Casa da Cultural de San Pedro de Muro).
O espectáculo de Caxoto preséntase como un “menú con ingredientes de igualdade co que desmontar os estereotipos de xénero e os micromachismos cociñados a lume lento ao longo da historia”.
