Este xoves 12 de agosto Rianxo vai acoller a proxección dun dos mellores filmes galegos dos últimos anos, trátase de Ons, do director compostelán Alfonso Zarauza, unha historia dramática con arrecendo a thriller ambientada na illa do mesmo nome, onde varios personaxes tentan atopar respostas aos seu conflitos e tensións entre o bruar do mar e cantís, areais, outeiros e camiños azoutados polos temporais.
O filme proxectarase ás 22.00 horas no exterior do CEIP Castelao. A actividade abéirase ao ciclo Noites de Cine do Concello, que conta coa colaboración da Deputación da Coruña (Rede Cultural 2021, Programa Visións). O aforo será limitado, e as prazas pódense reservar até as 12.00 horas do martes 10 de agosto a través da web do Concello.
