O BNG da Barbanza celebrará o Día da Patria na comarca cunha xeira de actividades que terán lugar na localidade de Rianxo o próximo venres 23 de xullo. Baixo o lema “Galiza sen límites”, a organización nacionalista quere destacar a Galicia con futuro, sen límites que queren construír con todas as galegas e galegos.
Así, a organización comarcal propón para este venres unha xornada que comezará cun roteiro literario pola vila que guiará o alcalde, Adolfo Muíños. Seguiralle un acto político, no que intervirán o propio rexidor, a deputada no Parlamento Galego, Rosana Pérez, e outros integrantes do BNG barbanzá. A tarde rematará cun concerto do grupo
de Moaña The Lelli Kelly’s.
