O Concello de Lousame está a traballar na mellora dos accesos á localidade da Pousada, na parroquia de Tállara, desde a estrada Portobravo-Tállara. As tarefas rematarán nos próximo días co aglomerado do camiño, logo de que xa estean
construídas as novas beirarrúas en formigón que dan continuidade ás existentes na beira da estrada mencionada.
A actuación, levada a cabo por Construccións Fermín Simal SL e que supón un investimento de 49.368 euros, xa reparou as fochancas existentes no camiño, que ancheou 1 metro a cada lado, e dotou á zona de recollida de augas pluviais, instalando unha tubaxe de PVC de 400 mm de diámetro en ambas marxes da estrada. Nos próximos días a obra quedará rematada coa mellora da capa de rodaxe con seis centímetros de aglomerado en quente.
Estas obras complementar a mellora dos accesos a esta mesma localidade desde a estrada DP-1104 Ponte Beluso-San Francisco, nos que o Concello de Lousame investirá 13.774 euros.
A IV Xuntanza de Maiores do Concello de Lousame reúne a máis de 250 participantes
Algo máis de 250 veciños e veciñas, maiores de sesenta anos, déronse cita na IV Xuntanza de Maiores do Concello de Lousame, que tivo lugar este venres no restaurante O Trapeiro. Un encontro que estivo presidido pola alcaldesa de Lousame, Teresa Villaverde, e a...