Unha menor tivo que ser rescatada logo de quedar ferida tras sufrir unha caída nas pozas do Río Pedras, na Pobra do Caramiñal.
O 112 Galicia recibía o aviso, contra as seis e media da tarde, dende o Servizo de Urxencias Sanitarias de Galicia – 061, que indicaban que non se podían achegar por terra ata o punto onde se atopaba a rapaza.
Así, dende o CIAE-112 Galicia solicitouse a intervención do Servizo de Gardacostas, que mobilizou ao helicóptero Pesca 1 para rescatar á persoa ferida. Ademais, informouse á Garda Civil, aos Bombeiros de Ribeira, á Policía Local e a Protección Civil da Pobra.
Finalmente, a menor, tras ser rescatada, foi trasladada na aeronave ao centro hospitalario de referencia.
