A Garda Civil do Posto Principal de Boiro , en colaboración coa Policía Local da Pobra do Caramiñal, disolveu unha concentración de mozas na segunda localidade coruñesa na que bebían e bailaban nuns xardíns. No marco desta actuación para velar polo cumprimento das medidas para frear a pandemia da Covid foron interpostas 16 denuncias. Os feitos sucederon ás 2,00 horas do pasado sábado, ao ter coñecemento os efectivos de ambos os corpos de seguridade da presenza dun grupo duns 45 mozos nos xardíns Valle Inclán na Pobra.
Os efectivos actuantes compareceron no lugar e comprobaron que os mozos bailaban, consumían bebidas e fumaban nalgún dos casos, subliña a Benemérita, “todo iso sen gardar a distancia de seguridade persoal nin facer uso da máscara e superando con fartura o número máximo de persoas permitido para as reunións no exterior”.
Ao decatarse da presenza policial, a maioría dos integrantes do grupo abandonou o lugar á carreira. Os efectivos actuantes interceptaron e identificaron a 16 destas persoas e procederon á tramitación de denuncias por supostas infraccións á normativa sanitaria vixente. (A)
