O comité clínico que asesora á Xunta de Galicia na xestión da pandemia provocada pola covid-19, decretou a baixa das restricións. A Pobra, que está en nivel alto, pasará a medio-baixo ao conseguir reducir considerablemente a incidencia acumulada a sete e 14 días. Boiro e Ribeira, pola súa banda, que están no medio tamén quedarán no chanzo máis baixo.
O resto dos concellos galegos sitúanse en nivel medio baixo. Non hai polo tanto, ningún concello que teña que cumprir as restricións de nivel máximo ou de nivel alto. O comité volverase reunir o vindeiro martes para analizar, de novo, a situación epidemiolóxica de cada concello. Todas estas medidas entrarán en vigor ás 00:00 horas do vindeiro sábado, 12 de xuño.
Con estas medidas a hostalería dos tres municipios poderá traballar o 50 % do aforo interior dos seus locais e o 75 % das terrazas onde nas mesas poderán xuntarse ata dez non conviventes.
