O vindeiro venres 25 de xuño a Sala Arcos Moldes do Auditorio de Rianxo acollerá a presentación do libro A presenza de Castelao en Euskadi. Un líder casismático para vascos, de Xosé Estévez. Ademais do autor, o acto permitirá a participación de Uxío- Breogán Diéguez (autor do limiar), Roberto Abuín (editor do volumen) e Adolfo Muíños Sánchez (alcalde de Rianxo).
A actividade, que se enmarca no Xuño Cultural 2021, celebrarase a partir das 20:30. Tódolos interesados en acudir deberán formular a súa reserva de localidades na web do Concello, ou no teléfono 981 100 688. O prazo remata o xoves 24 de xuño ás 12:00 horas.
