As nenas e os nenos dos cursos de Educación Infantil do CPI Cernadas de Castro están a desfrutar estes días dunhas xornadas lúdicas de música. Fano a través dunhas clases especiais postas en marcha polo director da Escola Municipal de Música do Concello de Lousame.
O obxectivo é achegar as súas leccións aos rapaces e rapazas de entre 3 e 5 anos. Por iso, a empresa que xestiona a Escola Municipal de Música achega o seu método ao alumnado do CPI Cernadas de Castro cunhas xornadas lúdicas e educativas de aproximadamente 25 minutos. As sesións empezan cunha canción de presentación e proseguen con actividades.
Ademais, o próximo 16 de xuño a Escola Municipal de Música de Lousame celebrará unha xornada de portas abertas para que as familias coñezan de primeira man o funcionamento do centro e o método educativo. Os interesados deben notificar previamente a súa asistencia dende o venres por medio dun Bando Ticket.
