As xornadas da saúde e benestar que se desenvolveron ao longo deste mes de maio na Pobra concluirán o venres 28. O ciclo estivo organizado pola Concellaría da Sanidade da Pobra do Caramiñal e pola Asociación de nenas, nenos e xente nova con diabetes (Anedia).
O acto rematará coa charla E ti que podes comer? Enfermidades emerxentes e outras formas de comer, da man de Marian Rodríguez Blanco, xefa de pediatría do Hospital da Barbanza. A sesión transcorrerá a partir das 20:00 horas no Auditorio do Museo Valle-Inclán, seguindo as medidas implantadas por mor da COVID-19.
As persoas que desexen asistir deben formalizar a súa reserva a través do teléfono de contacto 681173484.
