20190823. A Patrulla Fiscal e de Fronteiras da Garda Civil de Ribeira aprehendeu 820 paquetiños de tabaco en Aguiño. Os feitos ocorreron cando os efectivos da mencionada Unidade localizaron nunha das rúas desta parroquia ribeirense un vehículo que, ao percibir a súa presencia o condutor, intentou cambiar de sentido.
A Forza actuante procedeu a interceptar o vehículo e identificar ao condutor para discernir os motivos do seu comportamento, ao achegarse ao mesmo observaron que o condutor, veciño de Vilagarcía de Arousa, era un coñecido das forzas de seguridade por feitos relacionados coa venta de tabaco de contrabando.
Os efectivos procederon ao rexistro do turismo, ante a sospeita de que os seus actos estiveran inducidos pola tenencia deste tipo de mercancía no mesmo, localizando no interior 820 paquetiños de tabaco sen a precinta fiscal regulamentaria.
A Garda Civil procedeu á confección da pertinente denuncia, por unha suposta infracción á Lei de Contrabando e á incautación da mercancía, a cal foi posta a disposición da Dependencia de Aduanas de A Coruña.
