O Concello de Boiro celebrou unha nova sesión da Comisión de Avaliación e Planificación do futuro do Pazo de Goiáns o pasado venres. Ao acto acudiron expertos en diversas materias, como o arquitectónico, o paisaxístico, o turístico, o cultural ou o medioambiental, co fin de comezar a traballar nos posibles usos do inmoble unha vez rematadas as obras.
Na xuntanza, presidida polo alcalde, José Ramón Romero, os expertos expuxeron as súas propostas para a planificación dos futuros usos do Pazo. Ademais, as persoas que conforman a comisión tiveron oportunidade de visitar as obras de restauración do inmóbel e coñecer de primeira man o seu estado de execución.
Neste momento estase a traballar no interior do establecemento coa colocación da iluminación LED e da madeira. Mais, segundo o alcalde “o remate da obra de rehabilitación do Pazo de Goiáns está previsto para comezos do verán”.
