A Audiencia Provincial acollerá a próxima semana o xuizo dun veciño da comarca para o que a fiscal solicita cinco anos de prisión por abusar sexualmente da súa sobriña menor de idade.
Segundo recolle a acusación os feitos ocorreron desde que a nena tiña 8 anos ata que cumpriu 12 ou 13. A menor tivo que recibir asistencia psicolóxica por este motivo. Ademais, pídese que indemnice á súa sobriña con 10.000 euros.
Tamén outro veciño da comarca, con antecedentes penais, enfróntase a unha pena de tres anos e nove meses de prisión por unha agresión nun pub de Ribeira. O agredido perdeu tres dentes e necesitou tratamento médico. Os feitos producíronse en abril do ano 2015.
