O Concello de Boiro comeza a reorganizar as tarefas na Biblioteca da Casa da Cultura, xa que pretende mellorar o servizo e as comodidades dos usuarios. Por iso, nas últimas semanas levouse a cabo un acondicionamento dos estantes e unha redistribución dos libros para “alcanzar unha maior luminosidade no establecemento”, explicou o Concello engadindo que tamén se reorganizaron as coleccións de libros e os grandes volumes. Desta maneira, os exemplares serán máis doados de atopar.
Todas as bibliotecas e salas de estudo municipais estarán abertas ao público e contarán cun aforo máximo do 30 %. En concreto, a Biblioteca ca Casa da Cultura de Boiro estará aberta para o préstamo, a devolución de libros e estancia en sala de 10:30 a 13:30 horas e de 16:30 a 20:30 horas.
