O Concello de Boiro edita unha nova publicación dos Cadernos Culturais que leva por título Entroidos populares. O Enterro do Óso en Abanqueiro. Vaise repartir de xeito gratuíto e pode conseguirse, a partir deste venres 19 de febreiro, nos Centros Sociais de Abanqueiro, Boiro, Cabo de Cruz e Escarabote.
O Concello explica que “con esta publicación recuperase unha liña editorial propia que non se editaba dende fai máis de 10 anos”. Tamén sinala que “este novo volume comeza unha terceira etapa desta colección cunha liña sobre a recuperación da memoria histórica, xirando a primeira publicación arredor do enterro do óso en Abanqueiro, unha tradición que data de fai máis de 100 anos”.
A idea parte dun proxecto da educadora social Sara Roo, que fai as súas prácticas no Concello de Boiro.
O volume dos cadernos culturais sobre o enterro do óso estará dispoñíbel a partir deste venres e repartirase de xeito gratuíto entre a veciñanza de Abanqueiro. Todas as persoas que queiran conseguir un volume desta publicación poden facelo tamén nos Centros Sociais de Abanqueiro, Boiro, Escarabote e Cabo de Cruz.
