O Concello de Muros anunciou que contratará 7 peóns albaneis a través do PEL- Concellos da Deputación da Coruña, que achega 92.000 euros ao municipio. O proceso de inscrición estará aberto un prazo de 10 días hábiles dende o 11 de febreiro.
A iniciativa selecciona sete peóns albaneis para a cuadrilla de obras e servizo municipais, que desenvolverán as tarefas propias de albanelería, carpintería, fontanería e electricidade. A duración dos convenios será de 8 meses.
A Deputación duplica o orzamento deste programa, que desta vez alcanza os 6 millóns de euros, para impulsar o emprego e paliar os efectos da crise xerada pola COVID-19 na provincia. As persoas interesadas na oferta poderán presentar as súas solicitudes preferentemente a través da sede electrónica do Concello ou no rexistro xeral en horario de 09:00 a 14:00 horas.
Danse a coñecer as obras premiadas do concurso de carteis das xornadas “Muros Mira ao Mar”
O Concello de Muros fixo públicos os resultados do concurso de carteis das XIX Xornadas de Cultura Mariñeira Muros Mira ao Mar. A concelleira de Cultura, Caridad González, deu os parabéns a todo o alumnado participante “pola súa creatividade e esforzo”. Pola súa...