O Museo do Mar e Aula do Mar de Rianxo xa forman parte da Rede de Espazos de Contido Museístico Atlántico (REMA), a primeira organización especializada na posta en valor dos contidos relacionados coa cultura mariñeira atlántica europea. O obxectivo da Rede REMA é que o patrimonio material e inmaterial ligado ao mar sirva de nexo entre os diferentes pobos do arco atlántico europeo.
O Comité de Xestión da Rede REMA, presidido pola alcaldesa de Muros,
Inés Monteagudo, foi o encargado de aprobar a incorporación do Museo do
Mar e da aula do Mar de Rianxo á Rede. Desde o pasado venres, tanto o
Museo como a aula xa poden gozar das súas vantaxes; entre elas, a
promoción conxunta de actividades que desenvolvan os museos da Rede,
dispoñer dun fondo museístico conxunto ou a posibilidade de participar na
exposición O Océano que nos une, promovida polos Grupos de Acción Local
do Sector Pesqueiro (GALP) e con cargo aos proxectos Morada Atlántica + e
Pasaporte REMA e cofinanciada polo Fondo Europeo Marítimo de Pesca
(FEMP).
Pasaporte REMA
Pasaporte REMA, proxecto financiado polo Fondo Marítimo de Pesca
(FEMP), ten como obxectivo desenvolver unha actividade turística creativa e adaptada á nova realidade. Para iso, o proxecto persegue a implementación das TIC como canle para a información, aprendizaxe e
formación dos visitantes e para a promoción da oferta cultural dispoñible
nos espazos da Rede REMA.
Novos contidos culturais
No marco do proxecto deseñaranse novos contidos culturais incluídos
dentro da Rede REMA e difundiranse a través de seminarios e exposicións
itinerantes. Estes eventos percorrerán os espazos museísticos de todos os
GALP galegos. Ademais, os contidos integraranse en canles e actividades dixitais que terán como fío condutor aos membros que conforman a Rede REMA.
A Consellería do Mar avanza na creación de mesas de traballo cos centros de investigación mariña para abordar a situación actual da actividade marisqueira
A directora xeral de Desenvolvemento Pesqueiro, Marta Villaverde, mantivo un encontro por videoconferencia cos responsables dos diferentes centros de investigación mariña dependentes da Consellería do Mar -Intecmar, Cetmar e CiMA- co obxectivo de avanzar na...