Dous condutores resultaron feridos nun par de saídas de vía ocorridas durante a tarde no municipio de Boiro.
O primeiro accidente tivo lugar na parroquia de Escarabote no lugar de Peralto un vehículo impactou contra un farol que acabou arrincando.
O segundo foi nas curvas de Lamas, en Cespón. O turismo levou por diante uns valos. Ambos os automobilistas foron trasladados en ambulancia ao hospital comarcal. Ata o lugar dos accidentes acudiron integrantes do servizo de emerxencias municipal, Policía Local e Garda Civil.
