O comité clínico dá Consellería de Sanidade que fai seguimento da evolución dá covid-19 en Galicia acordo que os concellos de Ribeira, Bueu, e Baiona, pasen ao nivel máximo de restricións. En consecuencia os concellos pasarán tamén a ter limitacións de mobilidade. Ademais, a hostalería deberá pechar ás 17 horas, a ocupación máxima das terrazas será o 50 % e só poderase reunir un máximo de 4 persoas non conviventes. A localidade ribeirense ten unha incidencia acumulada de preto de 290 casos por cen mil habitantes. Deste xeito Ribeira únese a Boiro e os dous concellos quedan pechados perimetralmente.
Igualmente, o comité clínico acordou que o concello de Santiago pasa a nivel medio e queda pechado perimetralmente. As medidas entran en vigor ás cero horas do xoves.
Sanidade lembra a obrigatoriedade de cumprir todas as medidas establecidas pola Xunta Galicia, co ánimo de mellorar a situación epidemiolóxica na comunidade e así poder ir diminuíndo as restricións vixentes. Sinalar que este mércores, a Consellería de Sanidade informará do plan de nadal para Galicia.
