O Noia Portus Apostoli xa coñece ó que será seu rival nos oitavos de final da Copa de España, o FS Valdepeñas. O sorteo celebrado o pasado deparoulle ó cadro de Marlon Velasco unha eliminatoria moi complexa contra o actual subcampión da Primeira División e da Copa do Rei.
Por terceira vez na súa historia o Noia FS xogará os oitavos de final da Copa de España, e tentará lograr un fito histórico accedendo ós cuartos de final. “É un bonito e ambicioso reto”, analizou Marlon Velasco un encontro que será disputado o 15 de decembro no Augustín Mourís. Ademais a eliminatoria será emitida en streaming a través da canle oficial de Youtube do Noia Portus Apostoli.
