Galicia notifica 640 positivos por coronavirus en 24 horas, o que implica unha lixeira subida de 15 con respecto aos 625 de hai un día.
Baixan os positivos diarios a área sanitaria da Coruña-Cee, ata 103 (-8); a de Santiago-Barbanza, cunha importante caída ata os 52 (-43); e a de Pontevedra-O Salnés, con 64 novos contagios (-1).
Das PCR realizadas tan soa a área de Santiago-Barbanza, cun 2,2% de positividade, sitúase por baixo do limiar do 5% que marca a Organización Mundial da Saúde.
En Ribeira seguiu o cribado da poboacións. Asi dos citados 723 acudiron 510 o que supón un 70,54 % de participación. Na xornada de onte venres no computo total do día acudiron 910 pacientes o que supón a porcentaxe total de asistencia do día: 63,32%.
Mañá seguirá o cribado na Lonxa de Ribeira a onde serán citados por móbil novos veciños.
Na comarca a capital do barbanza segue ne nivel 3, en nivel dous están O Son e Boiro, no nivel 1 Noia e Outes e o resto da comarca en nivel 0.
De acordo cos datos que actualiza diariamente a Consellería de Sanidade, xunto ao área sanitaria de Lugo tamén experimentan ascensos, aínda que máis moderados, a área de Ferrol, con 50 novos infectados nun día (+4), e a de Ourense-Verín-O Barco de Valdeorras, con 43 (+9). Con todo, estas dúas son as zonas que menos novos contagios reportan este sábado.
Ademais, a web de Sanidade recolle que ata a data realizáronse en Galicia 789.671 PCR, o que implica que en 24 horas fixéronse 9.003 probas, unhas 700 máis que as da xornada anterior.
De todas as novas PCR realizadas, o 7,3% arroxaron un resultado positivo.
