Segundo informa sanidade nas últimas horas falecía no CHUS un veciño de Taragoña de 70 anos que tiña patoloxías previas. Con esta nova vítima xa son 31 os mortos da pandemia na comarca desde o pasado mes de marzo, das que cinco pereceron nesta segunda onda de covid.
Nos últimos datos a área sanitaria de Santiago- Barbanza , detectáronse 89 novos positivos, polo que a cifra de persoas a tratamento non experimenta grandes cambios e queda en 1.350. O que sí creceu é o número de hospitalizados, que pasou de 63 a 69, dos que 12 están ingresados na unidade de coidados intensivos do CHUS. O númerod e falecidos ascende a 145 dos que 31 son da comarca. Continúan facéndose numerosas probas para detectar novos positivos, e na última xornada levaron a cabo 1.374, acumulando un total de 115.252.
No mapa de alerta por coronavirus da Consellería de Sanidade rexistráronse cambios. Así Noia pasou ao nivel dous (laranxa entre 14 e 20 casos detectados nunha semana. Porto do Son pasou anivel 1 xunto a Muros, Ribeira, Rianxo e Boiro. Por outra banda hai catro concellos de Barbanza que continúan no nivel cero de alerta (verde), que son A Pobra, Lousame e Outes.
