A morte dun veciño de Ribeira de mediana idade eleva a tres as vitimas da comarca na segunda fase da COVID-19. O paciente levaba varias semanas ingresado no CHUS en Santiago e presentaba patoloxías previas e o seu estado comezou a empeorar hai uns días. Os restos mortais da vítima foron trasladados ao tanatorio das “Dolores” e está previsto que o seu corpo sexa incinerado mañá en Boisaca.
Este é o terceiro falecemento da segunda onda da pandemia que se rexistra na comarca. O primeiro ocorreu o pasado xoves cando faleceu un veciño de Cespón de 71 anos que permanecía ingresado na uci do Clínico compostelán e o segundo tivo lugar a última hora do sábado, un veciño de Porto do Son de 87 anos.
En total morreron xa 29 persoas pola COVID desde o inicio a pandemia desde o primeiro caso acontecido a finais de marzo.
En Galicia rexistraronse na última xornada 12 falecidos a cifra mais alta da segunda onda o que eleva a 880 as vítimas mortais na comunidade.
