O Concello de Boiro organizou este xoves 15 unha recepción ao deportista local Iago Carou, campión galego cadete de contrarreloxo. Na benvida participaron o alcalde, José Ramón Romero, o concelleiro de Deportes, Marcos Fajardo, e máis o presidente do Club Ciclista JEALSA-Barbanza, Ricardo Riveiro.
Como lembraremos, o ciclista cadete Iago Carou logrou a pasada fin de semana, en Baños de Molgas (Ourense), proclamarse campión galego autonómico da categoría de contrarreloxo, nunha proba na que se enfrontou a máis de medio milleiro de deportistas novos chegados de todos os recantos da xeografía galega e tras percorrer un itinerario de 13 quilómetros que rematou nun treito de gran rapidez. Trátase do primeiro título de nivel galego para o club con sede en Boiro dende o acadado en 2013. O tempo de Carou foi foi de vinte minutos de 40 segundos.
