O Hospital da Barbanza e 2 centros de saúde da bisbarra o de Ribeira e o de Boiro- acollen, dende onte e por primeira vez, aos residentes de Atención Familiar e Comunitaria adscritos ao Barbanza. Ata o de agora, o único centro de saúde acreditado era o de Porto do Son e as rotacións no ámbito hospitalario, realizábanse exclusivamente en Santiago.
Onte incorporáronse catro médicos que rotarán nestes 3 centros de saúde e no hospital de Oleiros durante 4 anos, tempo que dura o período de formación dos residentes desta especialidade.
Foron recibidos este martes nun acto celebrado no hospital ao que asistiron o director do distrito sanitario da Barbanza, Salvador Mariño-Ageitos; a subdirectora de enfermaría da Barbanza, Isabel Dieste; o subdirector asistencial da área sanitaria Santiago e Barbanza, Manuel Portela e o o Xefe de Estudos da Unidade Docente de Medicina de Familia e Comunitaria, Sergio Cinza. Dende agora e cada ano incorporaranse entre 4 e 6 residentes na Barbanza. Ata o de agora o único centro de saúde acreditado era o de Porto do Son e a rotación hospitalaria realizábase en Santiago.
