Salvamento Marítimo emitiu este luns un radioaviso nas Rías Baixas polo avistamento na zona de candorcas, que xa embestiron a dúas embarcacións.
Os acetáceos realizaron unha acometida contra un veleiro francés e outra contra o veleiro Mirfak da Armada que estaba a dúas millas de Corrubedo, aínda que sen danos de importancia. A embarcación está a ser reparada para tratar de estar a punto para a competición da próxima fin de semana e participar na regata de vela Príncipe de Asturias.
Salvamento Marítimo solicita ás embarcacións na zona que, se ven a estes animais, “non tenten aproximarse”, dean “amplo resgardo” e informen as autoridades.
Por outra banda, efectivos de Salvamento Marítimo prestaron auxilio este luns a un veleiro holandés con dous tripulantes a bordo que sufrira unha avaría no motor. Foi remolcado á Coruña pola Salvamar Betelgeuse.
