Un repartidor de Correos resultou ferido nun accidente de tráfico rexistrado pouco antes das once menos cuarto desta mañá no cruzamento da comisaría ribeirense do Corpo Nacional de Policía.
O carteiro, duns 35 anos de idade, ía nun ciclomotor cando ao chegar á altura do cruce das rúas Miguel Rodtiguez Bautista e Canarias, recibiu o impacto dun coche o e o piloto foi a parar ao chan.
A proximidade da Comisaría fixo que efectivos da Policía Nacional foron os primeiros en prestar auxilio á vítima. De seguido chegaron tamén axentes da Policía Local, membros do GAEM e unha ambulancia de Soporte Vital Básico ( SVB) de Urxencias Sanitarias.
A ambulancia trasladou o ferido ao Hospital do Barbanza.
