A Exposición do XVI Premio Luís Ksado de fotografía convocado pola Deputación da Coruña está formada polas obras gañadoras, exaequo, “Fillos de Breogán” de Alejandro Real e “Ganborder” de Javier Arcenillas. Un xurado internacional decidiu premiar conxuntamente as dúas obras pola súa alta calidade.
Un xurado internacional composto por Jorge Represa, Ana Palacios, Luís Vasconcelos, Pilar Carrera e Xoán Crespo, co deputado de Cultura, Xurxo Couto como presidente e a xefa de sección de Cultura, Manuela Muñíz, en calidade de secretaria, decidiu por unanimidade por conceder o premio ex aequo a Alejandro Real e Javier Arcenillas por dous traballos que, segundo destaca “mostran unha gran calidade fotográfica e abordan a fotografía documental dende diferentes visións”.
O xurado destacou que “Fillos de Breogán”, de Alejandro Real Novo é unha “serie moi consistente cunha forma pouco usual e moi orixinal de achegarse ao motivo fotografado”
En canto Gangborder” de Javier Arcenillas, apunta o xurado que se trata “dunha aposta de fotoxornalismo impecable, con moita forza e supón un relato redondo sobre un conflito case esquecido”.
A mostra completase coas colección dos catro finalistas do premio, “A epifanía etíope” de Carlos López, “Nuestra memoria” de Juan Medina, “Un breve momento de locura” de Fuco Reyes, e “Los paraísos artificiales” de Rosa Taboada.
DO 5 AO 31 DE AGOSTO 2020.
HORARIO DE VISITAS: DE 10.00 A 13.30 E DE 19.00 A 21.00 H
