Este xoves 30 de xullo temos unha cita co teatro para todas as idades no Cantón da Leña da Pobra, a partir das 20.30 horas. Estamos a falar do espectáculo A gran viaxe, de Inventi Teatro, organizado pola Concellería de Cultura en colaboración coa Rede Cultural da Deputación da Coruña.
A obra cóntanos a historia do capitá Centella e o doutor Potasio, e de como chegan coa súa nave á Terra na busca do Ziscornio, o elemento necesario para salvar o seu planeta, que está sendo atacado por bichos malignos. A partir da recuperación do dito elemento, iniciarán unha viaxe de regreso ao seu planeta ateigada de aventuras.
A gran viaxe é un espectáculo de rúa divertido e visual que conta cun fantástico vehículo espacial composto por un antigo 600 e un propulsor remolcado.
