A brigada de obras do Concello de Noia está a acometer estes días actuacións de limpeza e mellora en distintos espazos da parroquia de Santa Cristina de Barro.
Segundo informou o Goberno local, trátase de “pequenas actuacións de limpeza e acondicionamento de beirarrúas, roza de marxes de estradas e camiños, así como de limpeza da contorna do miradoiro e da igrexa de Santa Cristina”.
O concelleiro de Obras, Martín Fernández Godón, informou de que ao abeiro desta liña de traballo tamén se vai aproveitar para realizar pequenos arranxos no mobiliario urbano instalado nesta parroquia noiesa.
